Logo de pechar a enquisa realizada nos últimos oito meses, 51 usuarios do blogue sinalan o rexistro informatizado dos elementos, a información e asesoramento aos propietarios e a sinalización dos elementos como as principais medidas encamiñadas a frear as agresións ao patrimonio cultural do país.
A elaboración de roteiros culturais ocupa o derradeiro posto por detrás da delimitación da área de protección dos elementos, a limpeza e o acondicionamento dos entornos e a denuncia das agresións ao patrimonio.
Preme na imaxe para ampliar
Da presente enquisa, aínda que cunha mostraxe limitada, tíranse as seguintes conclusións:
- O rexistro informatizado dos elementos situase como a primeira medida encamiñada a frear as agresións patrimoniais, constituindo bases de datos informatizadas que agrupen o inventario, a cartografía e a bibliografía existente sobre cada elemento individual.
- A información e asesoramento a propietarios de terreos onde se emprazan os elementos, posiciónase como a segunda medida máis valorada. Moitas das destrucións ao patrimonio no noso país, prodúcense como consecuencia dunha falta de información ou descoñecemento por parte destes propietarios, na súa maioría como consecuencia de actividades agroforestais que danan ou alteran gravemente as estruturas, sen que dende a administración exista unha preocupación por asesorar e informar aos propietarios sobre as limitacións e prohibicións existentes sobre os elementos e as súas áreas de protección, así como por formalos e educalos no respecto e valorización destes elementos patrimoniais.
- A sinalización dos elementos posiciónase en terceiro lugar. Cumpre manter unha política de aproveitamento e difusión dos recursos naturais e culturais do país. Desbotando falsos prexuizos ou afirmacións tales como que as estruturas cubertas de vexetación e sen sinalizar son menos alterables que as que están á vista. Precisamente, en moitas ocasións o descoñecemento da súa existencia ocasiona graves danos nas estruturas debido ao paso de maquinaria agrícola e á plantación de especies forestais altamente prexudiciais para a integridade estrutural dos elementos.
A elaboración de roteiros culturais ocupa o derradeiro posto por detrás da delimitación da área de protección dos elementos, a limpeza e o acondicionamento dos entornos e a denuncia das agresións ao patrimonio.
Preme na imaxe para ampliarDa presente enquisa, aínda que cunha mostraxe limitada, tíranse as seguintes conclusións:
- O rexistro informatizado dos elementos situase como a primeira medida encamiñada a frear as agresións patrimoniais, constituindo bases de datos informatizadas que agrupen o inventario, a cartografía e a bibliografía existente sobre cada elemento individual.
- A información e asesoramento a propietarios de terreos onde se emprazan os elementos, posiciónase como a segunda medida máis valorada. Moitas das destrucións ao patrimonio no noso país, prodúcense como consecuencia dunha falta de información ou descoñecemento por parte destes propietarios, na súa maioría como consecuencia de actividades agroforestais que danan ou alteran gravemente as estruturas, sen que dende a administración exista unha preocupación por asesorar e informar aos propietarios sobre as limitacións e prohibicións existentes sobre os elementos e as súas áreas de protección, así como por formalos e educalos no respecto e valorización destes elementos patrimoniais.
- A sinalización dos elementos posiciónase en terceiro lugar. Cumpre manter unha política de aproveitamento e difusión dos recursos naturais e culturais do país. Desbotando falsos prexuizos ou afirmacións tales como que as estruturas cubertas de vexetación e sen sinalizar son menos alterables que as que están á vista. Precisamente, en moitas ocasións o descoñecemento da súa existencia ocasiona graves danos nas estruturas debido ao paso de maquinaria agrícola e á plantación de especies forestais altamente prexudiciais para a integridade estrutural dos elementos.
Boa falta fai que se informatice o catálogo de elementos a conservar. En todo caso é unha ferramenta, non un fin.
ResponderExcluirA miúdo parece que os concellos e a Xunta, que son os responsábeis da protección do patrimonio, van un pouco por detrás de todo. Quero dicir, o réxime sancionador é unha boa medida, pero de que serve tal e como está proposto?
Poño por caso, entre moitos que hai. Un veciño despois dunha remoción de terras nunha propiedade, deita o cascallo a escasos metros dunha peneda con petroglifos. Como estación de arte rupestre é BIC, cun entorno de protección amplio. Multa de 6000 euros.
Que tería pasado se estraga a estación? Pois habería unha perda seguramente irreparábel e unha multa cuantiosa.
E eu pregunto, por que non se lles explicou aos veciños o que tiñan e o seu nivel de protección?
Son os concellos os principais garantes da conservación do patrimonio e daquela súa é a tarefa de explicar aos veciños a importancia que tén o patrimonio e a protección legal existente.
Eu engadiría que non só habería que concienciar os veciños, porque vendo casos como os do castro da Atalaia en Cervo, tamén habería que "poñerlle as pilas" aos concellos.