27/5/2012
Celanova
Unha deficitaria sinalización e o bo facer dos veciños da parroquia permiten aos turistas penetrar nos restos da antiga Coalernia, nome que outrora lle daban ao poboado celta de Castromao. O xácigo, un dos principais referentes da cultura castrexa do Noroeste peninsular e sobre o que hai aberto un expediente para a súa declaración como Ben de Interese Cultural, foi esquencido polas administracións en materia de intervención arqueolóxica e posta en valor.
A laboura de limpeza do perímetro que periodicamente desenvolve o Concello, así como dun grupo de voluntariado que o ano pasado e éste colaboran na ardua tarefa, son as únicas actuacións que se teñen dado na zona ante a impotencia dos veciños que destacan como o abandono incide no seu estado e tamén nas visitas. 'Moitos xa nin soben', confirman.
A laboura dos voluntarios permitirá, este verán,
sinalizar o castro desde Celanova ata Castromao
A poucos metros do castro, e en peores condicións de conservación, atópase a reitoral de Castromao. A edificación, que en 2008 foi froito dunha intervención que se supuña a primeira fase para a consecución dun Centro de Interpretación da cultura castrexa, permanece entre silvas e lonas de plástico deterioradas, á espera de futuras actuacións.
O xácigo, do que se conservan unhas 70 estruturas de ocupación, muros, peches e parte dunha rúa pavimentada, tampouco será testemuña este ano do 'Folión Castrexo'.
Post relacionado: Historias da Austeridade - O Castromao
Nenhum comentário:
Postar um comentário
Lembre que ao colocar un comentario nesta páxina asume a responsabilidade polo contido das súas opinións.