25/08/2011

A Xunta sanciona agora a Iberdrola por derrubar unha capela protexida

El País
20/08/2011
Santiago

Dous anos e medio despois de que Iberdrola botase abaixo a capela de San Martiño, na Teixeira (Ourense), a Dirección Xeral de Patrimonio decidiu sancionar á empresa eléctrica. O organismo público, dependente da Consellería de Cultura, confirmou onte a este xornal a multa, aínda que aínda non concretou en que consistirá. Si que a compañía cometeu unha infracción administrativa, xa que a pequena igrexa atopábase catalogada como Patrimonio Cultural de Galicia. Por tanto, Iberdrola necesitaba a autorización da Xunta para demoler o inmoble, pero cando a solicitou non fixo caso de que non debía tocar a igrexa, senón unicamente as demais casas do núcleo de Fontao.

Vista aérea do Concello de Teixeira

Coa decisión de Patrimonio coñecida onte finaliza unha longa cadea de expedientes abertos e pechados despois da denuncia inicial contra a firma responsable dos feitos, presentada o 17 de marzo de 2009 pola asociación ecoloxista Adega e pola policía autonómica. Pero a historia arrincou en 1964, cando Iberdrola -entón Saltos do Sil- comprou a aldea onde estaba a capela en cuestión, edificada no século XIX. O plan incumprido era construír un encoro no lugar. Con todo, 45 anos despois, a hidroeléctrica volveu ás súas posesións e esnaquizou San Martiño. No expediente aberto por Patrimonio en 2009, Iberdrola escúdase no "grave risco de esborralle" das construcións de Fontao para xustificar as derribas.

Interior da capela destruída por Iberdrola

Uns meses despois, en xaneiro deste ano, Patrimonio pechou a investigación e eximiu á compañía de sanción. "Non porque non teña responsabilidade, senón porque caducou o procedemento sancionador", argumentou a Xunta entón no informe. Neses papeis, o departamento público encargado do asunto admite que notificaron a ilegalidade a Iberdrola fóra de prazo. Pero o pasado mes de marzo, a Dirección Xeral de Patrimonio optou por enmendar o descoido e reabriu o expediente. A empresa recibiu entón un burofax do Goberno autónomo no que se lle explicaba que a multa podería ascender, como máximo, a 60.000 euros e que "a demolición dun ben cultural inventariado" non prescribe. Onte transcendeu a sanción, aínda que non os detalles da mesma.

A igrexa de San Martiño non só figuraba nos catálogos da Xunta, senón tamén nos do Concello da Teixeira. Nese inventario municipal a capela aparece defininida como "de interese histórico, artístico e arquitectónico". Ademais de muros de granito e "perpiaños case perfectos", en opinión dos antigos veciños, dentro do inmoble había "un interesante retablo" e "unha pila bautismal de gran valor", cuxo paradoiro se descoñece.


Novas relacionadas:

3 comentários:

  1. Na mina modesta opinião já que o aproveitamento hidroelétrico dos rios é uma conceção pública que os governos concedem a empressas privadas graciosamente, creio que seria bom incluir na legislação a derrogação ou mesmo a exclusão de concursos futuras para estas conceçoes a empresas que provoquem danos ao património cultural ou meioambiental, penso que a estas empresas privadas lhes seria mais doroso que uma multa que para os seus benefícios anuais e mensais não vai ser mais que mera "calderilha"

    E assim as adestrações de passo poderiam cumprir mais ajeitadamente coa sua obriga constitucional de velar por-, proteger e promover ao Património Sempre e quando -claro está- que não sigam a tardar dous anos em tramitar um expediente!! :-(

    ResponderExcluir
  2. Em que estaria pensando quando escrivim "adestrações em lugar de "administrações", em fim o sub-consciente que diria o Froiz ;-)

    ResponderExcluir
  3. mourelo8/26/2011

    Eu iría máis alá e apuntaría: Quen sanciona á Administración que dolou na súa obriga legal de protexer o elemento? Coma sempre a pescadiña que se morde a cola e que é ponto de reinicio en cantas conversas levamos tido nos últimos anos: Quen vixía aos que vixían ou deberan vixiar?

    ResponderExcluir

Lembre que ao colocar un comentario nesta páxina asume a responsabilidade polo contido das súas opinións.