27/07/2009

Convocam nova manifestaçom contra as obras ilegais do porto deportivo em Cangas do Morraço

27/07/2009

kaosenlared.net


Para o próximo sábado 1 de Agosto, às 20 horas, foi convocada umha nova manifestaçom que partirá da Alameda Velha de Cangas, contra a especulaçom e a repressom policial.


Preme na imaxe para ver a reportaxe sobre as detencións dos veciños de Cangas

Cangas Nom Se Vende, o Foro Social de Cangas e Galiza Nom Se Vende difundírom umha nova convocatória de mobilizaçom popular contra o projecto de construçom de um porto desportivo ilegal nas velhas instalaçons de Massó, na vila do Morraço.


Um porto ilegal, cujas obras carecem de licença municipal, sem plano de usos nem previsom no PGOM. Um projecto rejeitado por implicar a destruiçom certa de postos de trabalho, a deterioraçom da ria e dos seus recursos naturais, e que só irá beneficiar umha minoria de poderosos interesses económicos de carácter especulativo.


A manifestaçom servirá também para denunciar a imposiçom desse megaprojecto pola força, com sucessivas detençons de activistas por parte da Guarda Civil espanhola, polo "delito" de pretenderem paralisar umhas obras ilegais que nom contam com licença, mas sim com a cumplicidade da maioria das forças municipais: PP, PSOE e BNG.



Nenhum comentário:

Postar um comentário

Lembre que ao colocar un comentario nesta páxina asume a responsabilidade polo contido das súas opinións.