06/11/2012

Os cascos celtiberos de Aranda son subastados ante a pasividade do goberno español



Ocascos que non quixo Cultura

Historiadores e arqueólogos certifican a orixe celtíbera do conxunto de 18 pezas que está a ser poxado en varias cidades europeas

El Pais
Barcelona, 06-11-2012
Jose A. Montañes

A rocambolesca historia de 18 cascos de orixe celtíbero procedentes, segundo os expertos, do xacemento zaragozano de Aranda de Moncayo, segue alimentando o conflito entre historiadores, arqueólogos e o Ministerio de Educación, Cultura e Deporte. O motivo: o conxunto está a ser poxado, con contagotas, en diferentes cidades europeas sen que o Ministerio mostrase excesivo interese polo conxunto.

En 2008, cando se puxo á venda a enorme colección do magnate da construción alemán Axel Guttmann, o museo Römisch-Germanisches-Zentralmuseum (RGZM) denunciou que entre os obxectos había pezas procedentes de España exportadas ilegalmente, entre elas o conxunto de cascos, ademais de espadas, puñais e lanzas. A fiscalía de Múnic retivo as pezas e solicitou ao Goberno español que reclamase a súa lexítima propiedade en tres meses.

Non houbo resposta. Despois, en 2009 e 2010 volvéronse a poxar outros cascos, unha venda que, de novo, denunciou o RGZM, sen que tivese ningunha consecuencia, polos que os cascos pasaron a mans dun museo francés e varios coleccionistas españois. O pasado 25 de outubro Christie? s de Londres vendeu un novo lote, formado por tres cascos máis, que alcanzaron un prezo final de 90.000 euros. Ninguén o impediu.


Mentres os especialistas aseguran que non se está facendo nada para evitar a perda deste patrimonio, o Ministerio de Cultura nega a súa responsabilidade e mantén que ?a xustiza pide probas concluíntes da orixe española das pezas, algo que non se puido determinar?. Con todo, para Raimon Graells e Michael Müller-Karpe, especialistas do RGZM, ?non hai dúbida de que os cascos foron producidos en España entre os séculos IV e II a.C.?, e lamentan que o Ministerio non llo crea.

Graells defende que son producións peninsulares, das que se coñecen unha trintena de exemplares en total, polo que, sostén, ?estes cascos fan cambiar o discurso histórico?. Graells, xunto a Alberto Lorrio, catedrático da Universidade de Alacante e Fernando Quesada, profesor da Universidade Autónoma de Madrid, denunciaron en marzo a falta de interese do Ministerio. A pesar desta orixe peninsular, a sala de poxas presentou o tres pezas no seu catálogo como gregas. "Unha estratexia do comercio ilegal de antigüidades consiste en atribuír unha orixe aos obxectos co mínimo de precisión posible, diluíndo a posibilidade de precisar a verdadeira orixe", destaca Müller.

"Mandamos un dossier completo ao Ministerio, ao goberno de Aragón e á Fiscalía de Medio Ambiente, con toda a información. Non se volveron a pór en contacto connosco”. En canto ao goberno aragonés, lamenta que a comisión que se creou en marzo non tivese resultados. A consellería de Cultura aragonesa non respondeu ás preguntas deste diario sobre o tema. Pola súa banda, a Fiscalía de Medio Ambiente e Urbanismo do Tribunal Supremo, que abriu dilixencias en outubro de 2011 para depurar responsabilidades, asegura, pasado un ano, que está a esperar os informes que pediron á fiscalía alemá, para esclarecer os feitos. Caso aberto, pois.


Postaxen relacionada:  18 Cascos celtibéricos únicos en venda ...

Nenhum comentário:

Postar um comentário

Lembre que ao colocar un comentario nesta páxina asume a responsabilidade polo contido das súas opinións.