 |
Descobren tres Petróglifos de 4.000 anos no espazo da incineradora do Irixo
Ourense - X.M. Caño
El Grupo Ecologista Outeiro realizó el hallazgo en los montes comunales de Orosa, Cardedo, Menaz, Filgueira y Casares
O Grupo de Acción Ecoloxista Outeiro descubriu tres petróglifos realizados 2.500 anos antes de Cristo, que se atopan nos montes comunais de Orosa, Cardedo, Menaz, Filgueira e Casares, dentro do Concello do Irixo, na zona onde se proxecta situar a incineradora de residuos do sur de Galicia.
Tras examinar as imaxes dos petróglifos atopados, o arqueólogo Antonio da Pena confirma que "son dos bos", cunha antigüidade aproximada de 4.000 anos. E recomenda que se fagan unhas escavacións arqueolóxicas, ao estar convencido de que as figuras xeométricas continúan por baixo da parte das pedras que se atopa ao descuberto.
Os petróglifos mostran círculos concéntricos e cazoletas, polo que os seus descubridores interpretan que poden representar as ondas que se forman na auga cando se lanza un obxecto, dado que se atopan xunto ao nacemento dun afluente do río Pedriña.
Non é o primeiro descubrimento da asociación ecoloxista, que en 2005 xa se anotou o maior achado arqueolóxico dos últimos anos, ao catalogar máis de vinte rocas con todo tipo de simboloxía, polo que a Xunta "prestou apoio" á creación da área Arqueolóxica de Canxes.
O monte comunal do Irixo, onde a administración galega quere construír a incineradora, ten "un gran valor arqueolóxico, tanto pola cantidade como pola calidade dos seus xacementos", ao contar con máis de 20 mámoas (tumbas neolíticas), 25 petróglifos 19 na mesma área, oito castros prerromanos e as Covas de Valduide, a maior explotación aurífera da época romana que se atopa en Galicia, aínda que de moita menor envergadura que a das Medulas, situada dentro da antiga Gallaecia. Permanece documentado que a vía romana que comunicaba Iria Flavia (Padrón) con Chaves pasaba por Cusanca: O Irixo. Este municipio tamén conserva pontes do Medievo e restos do Camiño Real a Santiago. E nos Montes do Testeiro atópanse as antigas minas de estaño, explotadas de forma intensiva durante a segunda Guerra Mundial.
O Grupo de Acción Ecoloxista Outeiro explica que as Covas de Valduide "presentan grandes desniveis", de terreo cuberto por vexetación, "coma se derrubásese a mina", na que os romanos extraían o ouro de forma manual, mentres que nas Medulas facíano mediante a proxección de auga.
Na contorna do Concello do Irixo hai outros xacementos importantes, en Larouce, en Lobás, As Grovas de Madarnás, Puzo do Lago (Maside), Ourantes (Punxín) e Barbantes. O Grupo Ecoloxista Outeiro presentou a correspondente solicitude ante a Delegación Provincial de Cultura, para reclamar a catalogación urxente e toma de medidas de protección do tres petróglifos, así como a creación dun parque arqueolóxico por estar representadas na zona todas as secuencias da historia.
 |
Nenhum comentário:
Postar um comentário
Lembre que ao colocar un comentario nesta páxina asume a responsabilidade polo contido das súas opinións.